SVEPPASÝKING Í NÖGLUM


Inngangur
Algengi sveppasýkinga í nöglum hér á landi er talin um 8%. Sýkingin er algengari hjá þeim sem mikið stunda sund, sykursýkisjúklingum, psóríasissjúklingum og eldra fólki.

Tíðasta orsök sveppasýkingar í nöglum eru dermatophytar ( 85-90% ) og er Trichophyton rubrum orsakavaldur þar í um 90% tilfella.

Greining:
Naglsveppur er ekki alltaf auðgreinanlegur klíniskt, og þar sem margir sjúkdómar valda naglbreytingum (sveppasýking veldur um 50% naglbreytinga), þá er rétt að taka sýni til smjásjárskoðunar og ræktunar fyrir meðferð. Við svepparæktun þarf að vanda sýnatökur. Oft er ekki að finna lifandi sveppi mest distalt í nöglinni, heldur þarf að taka sýni meira proximalt. Ræktun getur verið neikvæð í 30% tilfella naglsýkinga með dermatophytum

Áður en lyfjameðferð er beitt er rétt að gera viðkomandi grein fyrir því að fullnægjandi árangur næst einungis í 80% tilvika (terbínafín meðferð) og að endursýkingar eru algengar og því nauðsynlegt að gefa sjúklingum fyrirbyggjandi ráð að meðferð lokinni.

Fyrsta val:
Terbínafín Fullorðnir 250 mg x 1 á dag í sex vikur við sveppasýkingu í fingurnöglum. Ef táneglur eru sýktar þarf að gefa meðferð samfellt í 12 vikur.
Börn eldri en 2 ára Skammtastærð skv. lyfjaskrá


Annað val
Itrakónazól Fullorðnir: Lotumeðferð: 200 mg x 2 í 7 daga. Við hverja lotu er lyfið gefið í eina viku og síðan gert hlé í 3 vikur.
Sýking í fingurnöglum: 2 lotur gefnar.
Sýking í tánöglum: 3 lotur gefnar.
     
Börn: Lítil reynsla af gjöf lyfsins hjá börnum.

Athugasemdir:
Itrakónazól er ekki eins árangursríkt í meðferð við sveppasýkingu í nöglum auk þess sem það hefur fleiri aukaverkanir. Milliverkanir við önnur lyf eru einnig algengari en sést við terbínafín meðferð.

  1. Guðnadóttir G, Hilmarsdóttir I, Sigurgeirsson B. Onychomycosis in Icelandic Swimmers. Acta Derm Venereol 1999; 79: 376-377.
  2. Fortnightly Review: Fungal nail disease: a guide to good practice (report of a Working Group of the British Society for Medical Mycology). BMJ 1995; 311: 1277-1281.
  3. Andre J, Achten G. Onychomycosis. Int J Dermatol 1987; 26: 481-490.
  4. Evans EGV, Sigurgeirsson B, for the LION study group. Double blind, randomised study of continuous terbinafine compared with intermittent itraconazole in treatment of toenail onychomcosis. BMJ 1999; 318: 1031-1035.
  5. Your Questions to the PBAC. Australian Prescriber 1999: 22:6.

Unnið af Guðmundi Óskarssyni. Yfirfarið af Bárði Sigurgeirssyni og Sigurði Helgasyni.
Lyfjaval 2000