OFFITA - meðferð

Hér að neðan eru tengingar inn á nokkra staði sem gefa út óvilhallar upplýsingar eða leiðbeiningar um meðferð við ofþyngd / offitu. Markmið þessa kafla er að stuðla að markvissri notkun lyfja sem ætluð eru þeim sem eru of þungir.

Í mars 2001 gaf NICE (National Institude for Clinical Excellence) í Bretlandi út leiðbeiningar um notkun orlistat við ofþyngd og offitu og í október 2001 komu út leiðbeiningar um notkun sibutramins. Sjá nánar á heimasíðu þeirra http://www.nice.org.uk/Cat.asp?c=15712 og http://www.nice.org.uk/cat.asp?c=23003 . Aðalsíða NICE http://www.nice.org.uk/. Offita er vaxandi vandamál og eykur sjúkleik og dánartíðni einkum hjá þeim sem þjást af öðrum sjúkdómum svo sem fullorðinssykursýki, hárri blóðfitu og háþrýstingi. Í þessum tilvikum eykur offita á líkur á hjarta- og æðasjúkdómum. Í leiðbeiningunum frá NICE er ráðlagt að nota orlistat eingöngu hjá einstaklingum sem hafa náð að losa sig við a.m.k. 2,5 kg með breytingu á mataræði og líkamsáreynslu mánuðinn áður en lyf er gefið og uppfylla eitt af eftirfarandi skilyrðum:
1. Líkamsþyngdarstuðull jafn eða meiri en 28kg/m2 þegar til staðar er annar verulegur sjúkdómur (fullorðinssykursýki, háþrýstingur og eða hátt heildar kólesteról)
2. Líkamsþyngdarstuðull jafn eða meiri en 30 kg/m2

Jafnhliða orlistat meðferð ætti að gera ráðstafanir til að bjóða sértæka aðstoð, stuðning og ráðgjöf um mataræði, hreyfingu og lífsstílsbreytingu. Einnig er ráðlagt að meðferð lengur en í 3 mánuði sé studd rökum um að viðkomandi hafi léttst um a.m.k. 5% líkamsþyngdar frá byrjun lyfjameðferðar og meðferð lengur en í 6 manuði sé studd rökum þess efnis að viðkomandi hafi léttst um a.m.k. 10% líkamsþyngdar frá byrjun lyfjameðferðar. Almennt er meðferð ekki ráðlögð í meir en 1 ár og aldrei lengur en í 2 ár. Meðferðin er ekki ráðlögð nema í aldurshópnum 18 til 75 ára.

"Orlistat and sibutramine for obesity"

Klínískar leiðbeiningar um offitu voru gefnar út af SIGN (Scottish Intercollegiate Guideline Network) í nóvember 1996. Þær eru númer 8 á leiðbeiningasíðu þeirra og má nálgast þar http://www.sign.ac.uk/ . Þessar leiðbeiningar eru í endurskoðun.

SBU (The Swedish Council on Technology Assessment in Health Care) í Svíþjóð hefur haft offitu og meðferð hennar sem eitt af sínum verkefnum og voru leiðbeiningarnar gefnar út í júní 2002. Þær má nálgast á: http://www.sbu.se/admin/index.asp

Á vegum Canadian Task Force on Preventive Health Care voru gefnar út leiðbeiningar um efnið 1994 og endurskoðað 1999. Detection, prevention and treatment of obesity http://www.ctfphc.org/ . Ekki er nein umfjöllun þar um lyfjameðferð sem nú er í boði en gagnleg umfjöllun um forvarnir.

Á vegum landlæknisembættisins hefur verið stofnaður vinnuhópur sem mun taka til skoðunar og aðlaga klínískar leiðbeiningar frá SIGN um offitu hjá börnum. Vænta má klínískra leiðbeininga um það efni í lok árs 2002.